سي السيد وامينة في عصرنا هذا...!!

[size=21]سي السيد وامينة في عصرنا هذا...!!

سى السيد: مساء الخير يا امينة من فضلك تحضريلى الاكل عشان جاى تعبان من الشغل .

امينة: اولا:اسمى ست امينة , مش امينة كده حاف.

ثانيا:مفيش اكل لانى اتغديت فى النادى انا والعيال وانا لما بكون شبعانه مابعرفش اطبخ .

سى السيد: خلاص يا ست امينة انا اسف اخر مرة اطلب اكل، وممكن تندهيلى العيال اسلم عليهم عشان وحشونى.

امينة: عيالى ياحبيبى مابيسلموش على حد ومش فاضيين دلوقتى،البنات بتبص من الشبابيك على اللى رايح واللى جاى ,والولاد قاعدين على القهوة بيعاكسوا البنات.

سى السيد(والدمعة هتفر من عينه) : لا يا قويه يا مفتريه

امينة: يامامى انا خايفة اوى, ادخل نام ياللا وبلاش كلام فاضى , انا اروح لماما وقت مايعجبنى .

فى اليوم التالى: سى السيد ينتظر فى الشباك امينة لما ترجع من مسرحيه(كشكش بيه) .

ويسمع صوتها اتيا من بعيد فيهرول حاملا لمبة الجاز لكى يضئ لها الطريق.

امينة: ايه اللى مسهرك يا سوسو انا مش قلتلك تنام انت عشان انا هتاخر.

سى السيد: معلش يا ست امينة انا قلت برضه يمكن تحتاجى حاجة كده ولا كده .

امينة: أنا مش عايزة ابوظ الليلة متوجعش دماغى .

سى السيد: ربنا يخليكى ويحميكى ومايحرمنيش من دخلتك عليا الساعة واحدة بعد نص الليل يامراتى يا حبيبتى يا جميله.

فى اليوم اللى بعد التالى: امينة فى فترة المساء والسهرة مخاطبة سى السيد: اعمل حسابك ياسى سى,ان فى عريس جاى لعائشه بكره .

سى السيد: مين ياترى..لو كان يعنى من حقى اسال .

امينة: الواد الظابط ده اللى كانت بتعاكسه من الشباك مش فاكره يا سى السيد.

سي السيد: الواحد حيفتكر ايه ولا ايه يا ست امينة على العموم لو انت شايفاه كويس خلاص الشورة شورتك.

امينة: خلاص نتكل على الله ونخلى الفرح فى نفس يوم فرح خديجة .

سى السيد: ايه ده!هى خديجة بنتى هتتجوز مبروك الف مبروك .

يوم الفرح: امينة تستقبل الراقصات وترحب بهن وياتى سى السيد ويحاول ان يكون رجلا: ايه ده ازاى مش ممكن راقصات فى بيتى.

امينة تتجاهله تماما وتقود الراقصات الى غرف تبديل الملابس ثم تعود متجهمة الى سى السيد قائلة: اعمل حسابك انك بعد الفرح حتروح لمامتك لغايه ما ابعتلك العيال ياخدوك..مفهووووم.

وبعد الفرح تم ترحيل سى السيد الى منزل والدته ومازال ينتظر ان تبعث له امينه بالاولاد كى يعيدوه الى بيته.. تقصد بيتها.

[/size]